مواقف...بايخة...غبية...او محرجة

مرة كنت حامل جاط فيه سبانخ و بدي فوت على فرن صفيحة بالشيخ سعد......مرت على الطرف التاني وحدة شلخة ضرب..انا عم اتفرج عليها و امشي....و اذ....بخبط بعامود كهربا.... و من عزم القوة الدافعة...بيخبط الجاط و بيندلق...و بضل فايت بالعامود و بيخبط راسي فيه....و انو ما حدا قلي ...الله...كلو ضحك...

مرة كنت جايي على مطار بنيويورك...و طبعا جايي من الشام.....بيطلعلي شارلوك هولمز....بيمسك جواز سفري السوري...بيتصفحو.....و بيطلع فيني تطليعة تحليلية....و نظرة مليانة ذكاء.....بيقلي....ليش رحت على سوريا؟

انا هيك صار وشي ...و جاوبتو....ما بعرف....يمكن لاني انا سوري!

مرة كنت فايت على السفارة النمساوية بالشام....الشرطي تبع الكولبة قاعد عالباب....بيجي واحد قبلي..شكلو بياع عرقسوس....بيزت جملة على اساس انكليزي...الشرطي بيبتسملو و بيأشرو انو فوت.....انا وصلت لابس الشحاطة و مزبط اموري لانو كنت طالع من شغلي....بقول...مرحبا معلم......بتروح الابتسامة يلي على وشو و بيقلي...اهلين اهلين.....بيقلي ليش فايت عالسفارة...بقلو بدي اخد الفيزا....بيقلي...ورجيني هويتك.....بقلو هي جواز السفر تبعي (يلي هو سوري)....بيمسكو...و بيقلبو..و بيسألني....هادا الجواز تبع انو بلد.....انا وشي هيك ...بقلو...جواز سوري....بيقلي...ايه ما بيمشي الحال بدك تورجيني هويتك....

مرة ئاعد بزيارة كافيه بالشام...منطلب فنجان قهوة...و فنجان شاي....نحنا شخصين....بيجي الكرسون و بيسأل لمين القهوة...بئلو للمدام....بيحطلها الفنجان...و بيسأل...و الشاي لمين.....