baha: عضو جديد; العمر : 34
تاريخ التسجيل : 30/08/2008
عدد المشاركات : 8
الجامعة : -
مكان الإقامة : صويلح
مزاجي :
رقم الموبايل : -
تقييم الأعضاء : 0
نقاط النشاط : 28705
الدولة :

مساهمة رقم 1

الباصات

من طرف baha 30/8/2008, 10:58 pm

الباصات
عمان اربد بقعة صويلح

تقريبا .... لا يوجد احد من بيننا لم يستعمل يوما المواصلات العامه
.....

عندما تجلس في الباص .... توقع ان يجلس بجانبك أي شخص
قد تجلس بجانب طبيب ، مزارع ، مهندس ، طالب عادي ، شخص امي ....
او قد تجلس بجانب استاذ جامعي ...
كل شيئ ممكن في الباص .... الناس سواسيه ....

مرات ما بيكون جاي ع بالك تحكي ...
بس اللي جنبك فجأه بينطلق لسانه .... وانت بتبتسم ببرود وبينك وبين
حالك ..
ولك اسكت يا ...
هذا فيما لو جلست .... لانه كثيرا من الاوقاتf بتكون في الباص عالواقف
...
طبعا اذا كنت بنت فليس من الممكن انك تطلع بالباص عالواقف .....غالبا لانه بيكون الكونترول عضلنجي
والله معطيه الصحه
مجرد ما يجحرك ... قوم ابو الشباب قعد البنت
بتلاقي نفسك قايم وبكل صدر رحب ....

عشان هيك لما أي شب يطلع يقعد بالباص بيحاول يقعد بمكان صعب أي بنت
تقومه فيه ...

مثلا بقعد على البسطه ورا الشوفير .... او بالكرسي الخلفي مع اربع
شباب ...
او الكرسي اللي جنب الشوفير .... هيك بيكون استمتع بالرحله ... ولا
بنت ابوها بتقومه ؟؟

السؤال اللي بطرحه اغلب الشباب بينهم وبين حالهم ... وهمه بيصرو على
سنانهم من القهر بس مش قادرين يحكوا لانه الكونترول معلم بوجهه موس
من الذان للشفه .
السؤال هو : يا ابن الحرام ما انت شايف الباص مليان ليش بتطلع بنات
... عشان تقعدها مكاني ....

هاي المشكله
اللي مش راح تنتهي ..

طبعا هاذا انسى المشاكل والواحد واقف ..

يعني اذا الباص لف كوربه محترمه بتلاقي المسكين بمسك باي اشي عشان
ما يوقع ...
واذا دعس بريك فجاه ... يا بتوقع على الارض يا بحضن الكونترول ..
وهذا ما يتمناه الكونترول ...

ومرات بتكون واقف ... بتبلش تتعود على الوقفه ... بتستقر امورك ..
وبتبدا تحاول تستمتع ...

فجاه بتسمع صياح الشوفير ... : دوريه اقعد اقعد يا ابو الجوكيت البني
.... نزل راسك ...
بتضطر انك تقرمز وتوطي راسك كانك عامل عمله ...

وكل ما بده واحد ينزل لازم تنزل معو ع بين ما ينزل وترجع تطلع مره
ثانيه ...
ومرات بس تنزل بيكون واحد بده يطلع وفعلا بطلع قبلك وبيقعد عالكرسي
اللي فضي ....
بس ما بتقدر تفتح ثمك ....

وكلو كوم ولما يبلش الشوفير والكونترول يسولفو مع بعض ويعرطو كوم
....
حجم هائل من الزناخه ما بتلاقيه بالمحيط الاطلسي ....

واشي انا مستغرب منو ... الاغاني اللي بيحطوها الشوفيريه بالباصات
....

من وين بيجيبوها ؟؟؟

يعني يا بيحط ربابه وواحد بيجاعر .....
يا اغنيه من سنة الف وتسعميه وخشبه .... من الاغاني اللي كان يسمعها
خفرع ومنقرع ..

وغير هيك السباقات اللي بتصير بين الشوفيريه ....
يعني الشوفير مستعد يشطب 25 واحد عشان راكب بخمسطعشر قرش ...

وفيه نكته عالموضوع بتحكي انه فيه شوفيريه باصات ثنين بتسابقوا .
اللي قدام شاف راكب
صار يفكر ... اذا وقفتله اللي وراي بسبقني عالمجمع وبيحمل قبلي
واذا ما وقفتله اللي وراي بوقفله وهو اللي بوخذ البريزه ... شو اعمل
شو اعمل ؟؟
احسن حل ادعسه ... وعننننننننننن ....... اخبط !!!!!

بتركيا ... كان كل خمس دقائق ييجي باص ...
كنت اشتري بطاقه بتسمح لي اركب عشر مرات ... كنت اركب واختم البطاقه

اقعد بمكاني ... ما فيه لا كونترول ولا حدا بيصيح .. فيه سوفت ميوزيك
..
الشوفير لا بحكي معك ولا بتحكي معو ...

بينزل بمحطات معينه .... الباص نظيف من جوا ومستحيل تتعدى سرعته ستين
وما بيطلع عن السايد تبعو وما بيتجاوز
واحلى اشي انك لما تنزل من الباص الشوفير بيستناك لما تنزل ويسكر
الباب وبعدين بيمشي .. مش زي عدنا بتلاقي راسك برا واجرك جوا والباص
ماشي وانت يا بتكون قد حالك وبتطلع ... يا اما على صباحك ...

وبامريكا نفس النظام .. بس هناك انه لما تنزل من الباص بيبتسملك
الشوفير ابتسامه عريضه
وبيقولك ثانك يو فيري ماتش ... هاف ا نايس داي ..

سبحان الله .... زي شوفيريتنا بالزبط .... : يالله انزل وله

غير المدافشه ربع ساعه قبل ما تطلع بالازمه ..... واذا ما فيه ازمه
استنى نص ساعه عبين ما يعبي الباص ... وزلمه افتح ثمك واحكي مستعجل
...

على كل حال ....

فيه رب كبير .... وكل ظالم اله يوم ....

maia jo

maia jo: عضو ماسي; العمر : 34
تاريخ التسجيل : 07/03/2008
عدد المشاركات : 306
الجامعة : جامعة الطفيلة التقنية
مكان الإقامة : عمان
مزاجي :
رقم الموبايل : -
تقييم الأعضاء : 2
نقاط النشاط : 29617
الدولة :

مساهمة رقم 2

رد: الباصات

من طرف maia jo 31/8/2008, 4:54 pm

اه والله معاك حق......
يعني صح انا بنت وما بركب ع الواقف بس بكفي لما يدحش
4 بنات ع كرسي واحد
او حتى ازا بتقعد ع الكرسي المفرد مفكر انك راح تنجى لا فكر مره تانيه
لانه عنا الكرسي المفرد يعني مزوج بكفي تنين

اما بنسبه للاغاني فاسمع الاغاني لي بحطوها بباص
عمان -الطفيله
بتصير بدك تعيط ونفسك ببطىء ولو بيدك بترمي حالك من الشباك من دمار الاغنيه والصوت الحنون!!!!!
بس هاد قدرنا ولازم نرضى فيه شو بدنا نعمل .......

Admin

Admin: مدير المنتدى; العمر : 35
تاريخ التسجيل : 24/10/2007
عدد المشاركات : 1022
التخصص : Mechanical Eng
الجامعة : الطفيلة التقنية
مكان الإقامة : الأردن - عمان
مزاجي :
رقم الموبايل : -
تقييم الأعضاء : 75
نقاط النشاط : 31910
الدولة :

مساهمة رقم 3

رد: الباصات

من طرف Admin 2/9/2008, 9:32 pm

مزبوط مايا معك حق ,,,أغاني شكلها طالعة من أيام ما كانت السنيورة لزقة جروح
بس خلص ولا يهمك بجيبلك شريط تامر حسني عشان يحطلك اياه بالباص ..

maia jo

maia jo: عضو ماسي; العمر : 34
تاريخ التسجيل : 07/03/2008
عدد المشاركات : 306
الجامعة : جامعة الطفيلة التقنية
مكان الإقامة : عمان
مزاجي :
رقم الموبايل : -
تقييم الأعضاء : 2
نقاط النشاط : 29617
الدولة :

مساهمة رقم 4

رد: الباصات

من طرف maia jo 3/9/2008, 5:54 pm

هههههه....
يسلمو كتير ..... هو مو بضروره تامر حسني ....
يعني شي متطور شوي .....
من القرن 21 مو من سنة الخشبه ..... Very Happy

Wasfy_Quraan

Wasfy_Quraan: مراقب عام; العمر : 35
تاريخ التسجيل : 18/12/2007
عدد المشاركات : 337
التخصص : نظم معلومات حاسوبية
الجامعة : الطفيلة التقنية
مكان الإقامة : عمان للأسف ,وياريت مانقلنا بس الطفيلة في القلب.
مزاجي :
رقم الموبايل : -
تقييم الأعضاء : 5
نقاط النشاط : 30140
الدولة :

مساهمة رقم 5

رد: الباصات

من طرف Wasfy_Quraan 4/9/2008, 1:29 pm

اما بنسبه للاغاني فاسمع الاغاني لي بحطوها بباص
عمان -الطفيله
بتصير بدك تعيط ونفسك ببطىء ولو بيدك بترمي حالك من الشباك من دمار الاغنيه والصوت الحنون!!!!!
بس هاد قدرنا ولازم نرضى فيه شو بدنا نعمل .......

شو قصدك يعني شو قصدك ... مالها الطفيلة اه عمو مالها
هههههههههههه
____________
بغض النظر عن هالاشي المشكلة بهالدنيا انه الخير بيخص والشر بيعم ,والباقي عندكوا

maia jo

maia jo: عضو ماسي; العمر : 34
تاريخ التسجيل : 07/03/2008
عدد المشاركات : 306
الجامعة : جامعة الطفيلة التقنية
مكان الإقامة : عمان
مزاجي :
رقم الموبايل : -
تقييم الأعضاء : 2
نقاط النشاط : 29617
الدولة :

مساهمة رقم 6

رد: الباصات

من طرف maia jo 5/9/2008, 12:00 am

والله احنا ما حكينا شي ع الطفيله
احنا بنعلق ع الاغاني بس لا اكتر ولا اقل...
بس دنيا لسه بخير وفيها خير كمان.....
لا تفقد لامل..... Smile

Admin

Admin: مدير المنتدى; العمر : 35
تاريخ التسجيل : 24/10/2007
عدد المشاركات : 1022
التخصص : Mechanical Eng
الجامعة : الطفيلة التقنية
مكان الإقامة : الأردن - عمان
مزاجي :
رقم الموبايل : -
تقييم الأعضاء : 75
نقاط النشاط : 31910
الدولة :

مساهمة رقم 7

رد: الباصات

من طرف Admin 5/9/2008, 12:51 am

متل ما حكى أخوي وصفي الخير بيخص والشر بيعم
بس أكيد إحنا بنحكي عن الأغاني وما بنرضى أساسا حد يحكي لا عن مدينتنا ولا عن جامعتنا